Ukrayna prezidenti Vladimir Zelenski paytaxt Kiyevdə keçirilən “Ukraynadan taxıl” adlı toplantıda tənqidi açıqlamalar verib. “Rusiya ərzaq qıtlığından istifadə etməyə və aclıqdan silah kimi istifadə etməyə davam edəcək”, – deyə Zelenski bildirib.
Elchi.az xəbər verir ki, Ukrayna prezidenti Vladimir Zelenski növbəti dəfə Rusiyanı tənqid edib.
Ukraynanın paytaxtı Kiyevdə keçirilən “Ukraynadan taxıl” görüşündə Latviya Prezidenti Edqars Rinkeviç, İsveçrə Prezidenti Alain Berset və Litvanın Baş naziri İnqrida Simonyte şəxsən iştirak ediblər. Polşa prezidenti Andjey Duda, Qvatemala prezidenti Alejandro Giammattei, Estoniya prezidenti Alar Karis, İtaliyanın baş naziri Giorgia Meloni, Hollandiyanın baş naziri Mark Rutte və Belçikanın baş naziri Alexander De Croo görüşə videokonfrans vasitəsilə uzaqdan qoşulublar.
İclasda çıxış edən Zelenski, “Ukrayna gücünü və azadlığını itirməyəcək və terrorizmə qalib gəlmək lazım olduğuna dair qlobal konsensusu müdafiə edəcək. Mən Qara dənizdə təhlükəsizliyi bərpa etməyə nail olan bütün ukraynalılarla fəxr edirəm ki, Ukrayna limanları yenidən qlobal ərzaq təhlükəsizliyi və ixracımız üçün işləyə bilsin. Rusiya ərzaq qıtlığından istifadə etməyə və aclıqdan silah kimi istifadə etməyə davam edəcək. Hazırda 40-a yaxın ölkəni və beynəlxalq təşkilatı birləşdirən “Ukraynadan taxıl” ərzaq qıtlığından ən çox əziyyət çəkən ölkələrə kömək edir, deyə o bildirib.
Şayəstə Hüseynova
Son şərhlər