Bir neçə gündür Azərbaycan növbəti dəfə beynəlxalq kitab festivalına ev sahibliyi edir.
Hər kəsin dediyi kimi izdiham var idi, hətta tıxaclara da rast gəldim.
İzdihama qoşulub bir-bir stendləri gəzdim. Qiymətlər münasib idi.
İçəridə hər kəsin əlində kitablar, rəsm çəkdirən kim, yazıçılarla görüşən kim, şahmat oynayan kim, çıxışları dinləyən kim.
Bir tərəfdə “Müasir rus nəsri və poeziyası Azərbaycan dilinə tərcümədə” antalogiyasının təqdimatı, “Şuşa təqdimat zonası”nda isə yeni fəlsəfi-kulturoloji kitabımın təqdimatı keçirilirdi. İlqar Fəhmi “Şeyx Səfiəddin” İrşad yolunun başlanğıcı, Qızılbaş metafizik bioqrafiyasından maraqlı məqamlara toxunurdu. Hər iki təqdimat məndə xeyli maraq doğursa da, vaxt azlığından cəmi bir neçə dəqiqə dinləyə bildim. Bakı Beynəlxalq Kitab Sərgisində təşkil olunan ən maralı məqamlardan biri də uşaqların vaxtlarının maraqları keçirmələri oldu. Qeyd edərdim ki, hətta uşaqlar ordan çıxmaq istəmirdilər. Gələnlərin əksəriyyəti kollektiv şəkildəki məktəblilər və tələbələr idi. Adı kitab sərgisi olsa da, burada geyimlər, tikiş, aksesuar kimi məhsullar da satılırdı.
O da gözümdən qaçmadı ki, qayıdanda tək tük adamın əlində kitab görürdüm. Əksəriyyəti sadəcə sərgilərə baxır, söhbət edir və şəkillər çəkdiririlər.
Kitabların qiyməti də müxtəlif idi – 50 qəpikdən 35 manata qədər
Bildiyimiz kimi qiyməti 50 qəpik olan kitablar daha çox kiril əlifbası ilə çap olunan, nazik, nisbətən daha köhnə, maraqdan kənarda qalanlar idi.
Sərgi boyunca demək olar ki, hər yerdə 25-30%-50% arasında endirimlərə rastlamaq mümkündür.
Daha çox alıcısı olan nəşriyyat həmişəki kimi “Qanun” olaraq qalırdı.
Yuxarıda qeyd etdiyim əlində kitab olanar isə, satıcılar, öz kitablarını satan müəlliflər və nəşriyyat işçiləri dilər. Mən isə kitabları daha çox ora gələn qonaqların əlində görmək istəyirdim.
Qeyd edək ki, sərgi 11 noyabr tarixində başlayıb, 15 noyabrda başa çatacaq.
Havar Şəfiyeva
Son şərhlər