Səudiyyə Ərəbistanının silahlı qüvvələri və ölkənin hava hücumundan müdafiə sistemləri Yəməndən gələn İranın dəstəklədiyi husi üsyançıları ilə toqquşmadan sonra yüksək hazırlıq vəziyyətinə gətirilib.
Elchi.az xəbər verir ki, bu barədə Bloomberg vəziyyətlə tanış olan mənbələrə istinadən xəbər verir.
Bloomberg qeyd edir ki , üsyançılar Səudiyyə Ərəbistanı üzərindən İsrailə doğru raket atmağa cəhd etdikdən sonra Ər -Riyadda belə tədbirlər görülüb . Ər-Riyad bu raketi vurub, lakin bu barədə rəsmi məlumat verilməyib.
Agentlik mənbələri bildiriblər ki, Yəmənlə sərhəddəki dağlıq cənub-qərb Cazan əyalətində husi qüvvələri ilə döyüşdə dörd Səudiyyə əsgəri həlak olub.
Ölənlər 2023-cü ilin aprelində husilərlə ilkin atəşkəs razılaşmasından sonra Səudiyyə ordusunun məlum olan ilk itkiləridir. Ər-Riyad 2015-ci ildə başlayan (Səudiyyə Ərəbistanı Yəməndəki sünniləri dəstəkləyib) münaqişəyə son qoymaq üçün uzun müddət danışıqlar aparmağa çalışıb. Bloomberg vurğulayır ki, İsrail və Qəzza zolağı ətrafında gərginliyin artmasına qədər hər iki tərəf “razılaşma ərəfəsində idi”.
Nuranə Məmmədova
Son şərhlər