Ağ Evin Milli Təhlükəsizlik Şurasının sözçüsü Con Kirbi, İsrailin hücumları ilə bağlı Qəzzada daha çox mülki itki gözlənilməsi lazım olduğuna dair xəbərdarlıq edərək, “Bu bir müharibədir. Bu bir qarşıdurmadır. Qanlı, çirkin və çətin olacaq. Və günahsız mülki insanlar zərər görəcək”- deyib.
Elchi.az xəbər verir ki, Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi mətbuat konfransında İsrail və HƏMAS arasında davam edən münaqişələrlə bağlı danışıb.
Kirbi bildirib ki, İsrail ciddi şəkildə Həmas mövqelərini hədəf alır və itkilər müharibənin uğursuz reallığıdır. Qəzzadakı Həmas administrasiyasının rəsmiləri oktyabrın 7-dən bu yana İsrailin hücumları nəticəsində 5087 fələstinlinin öldürüldüyünü bildirsələr də, onlardan neçəsinin Həmas üzvü olduğu bəlli deyil.
Nuranə Məmmədova
Son şərhlər