Danimarka gələn ilin əvvəlində ilk F-16 qırıcılarını Ukraynaya təhvil verə bilər. Elchi.azz TASS-a istinadən xəbər verir ki, buna ölkənin Müdafiə Nazirliyininrəhbəri Troels Lund Poulsen icazə verib.
NATO-nun Brüsseldəki mənzil-qərargahında həmkarları ilə görüş ərəfəsində jurnalistlərə açıqlama verən Poulsen Kiyevin ilk F-16-ları 2024-cü ilin birinci rübündə ala biləcəyini qeyd edib.
“Biz gözləyirik ki, mart və ya apreldə biz döyüş təyyarələrinin ilk partiyasını Ukraynaya köçürə biləcəyik”. O əlavə edib ki, ukraynalıların qırıcıları idarə etməsi üçün çox iş görülməlidir.
Bundan əvvəl Belçikada F-16 qırıcılarının Ukraynaya göndəriləcəyi tarix açıqlanıb. Eyni zamanda qeyd olunub ki, Brüssel ukraynalı pilotların hazırlanmasını və Kiyev üçün aviasiya donanmasının saxlanmasını davam etdirəcək.
Havar Şəfiyeva
Son şərhlər