Fransa Avropa İttifaqının Fələstinə yardımının dayandırılmasına qarşıdır, çünki bu ölkənin əhalisinə humanitar yardımın mümkün geri çəkilməsi HƏMAS terror fəaliyyətinin populyarlığının artmasına səbəb ola bilər. Elchi.az TASS-a istinadən xəbər verir ki, bunu Fransa prezidenti Emmanuel Makron Almaniya kansleri Olaf Şoltsla Hamburqda keçirdiyi birgə mətbuat konfransında bildirib.
Fransa prezidenti bəyan edib ki, Paris Fələstin əhalisinə birbaşa yardımın dayandırılmasını dəstəkləmir, çünki ölkənin özü HƏMAS-ın maliyyələşdirilməməsini təmin etmək üçün prosedur müəyyən edib. “Bizim terrorla, xüsusən də HƏMAS-la amansız mübarizə aparmaq öhdəliyimiz var, lakin biz terrorla mübarizəni əsas humanitar qanun və vətəndaş cəmiyyətinə dəstək ilə qarışdırmamalıyıq. Əks halda, regionda radikal terror aksiyalarına bir növ xalq dəstəyinin əldə oluna bilməsi riski var”, – deyə Fransa prezidenti bildirib.
O, əmin edib ki, Parisin 2022-ci ildə fələstinlilərə ayırdığı 95 milyon avro ilə bağlı bütün lazımi yoxlamalar aparılıb və vəsait əhalinin içməli suya çıxış, səhiyyə, ərzaq təhlükəsizliyi məsələlərində dəstəklənməsinə sərf edilib.
Bundan əvvəl Macarıstandan olan Qonşuluq və Genişlənmə üzrə Avropa komissarı Oliver Varhelyi bildirmişdi ki, Aİ fələstinlilərin xeyrinə bütün ödənişləri dayandırır və birgə layihələri nəzərdən keçirir.
Havar Şəfiyeva
Son şərhlər