ABŞ Konqresinin Nümayəndələr Palatasının keçmiş sədri Kevin Makkarti ABŞ Konqresini vaxtından əvvəl tərk edə bilər.
Elchi.az xəbər verir ki, bu barədə “Politico” qəzeti vəziyyətlə tanış olan mənbələrə istinadən məlumat yayıb.
Qeyd olunur ki, Makkarti bu cür planları barədə partiyadaşlarına danışıb. Bu, Konqres MakKartinin spiker vəzifəsindən uzaqlaşdırılmasına səs verdikdən sonra baş verib.
“Konfrans üzvlərinin qapalı iclasında, Nümayəndələr Palatasının səkkiz respublikaçısının demokratlarla birləşərək onu toxmaqdan məhrum etməsindən bir neçə saat sonra, Kaliforniyalı evə qayıtmaq istədiyini açıq şəkildə bildirdi.”
Nəşr onu da əlavə edir ki, Makkarti “ailəsi ilə vaxt keçirməyi” planlaşdırır. Eyni zamanda, keçmiş spiker Nümayəndələr Palatasındakı statusundan asılı olmayaraq Respublika Partiyasının işlərində iştirakını davam etdirməyi planlaşdırır.
Bundan əvvəl ABŞ-ın keçmiş prezidenti Donald Tramp Respublikaçılar Partiyasının başqa namizəd seçə bilməyəcəyi təqdirdə müvəqqəti olaraq Nümayəndələr Palatasının sədri vəzifəsini tutmağa hazır olduğunu bildirmişdi.
Nuranə Məmmədova
Son şərhlər