Finlandiya ordusu Rusiya ilə toqquşmaları həyata keçirtmək üçün kompüter simulyasiyalarından istifadə edir. Elchi.az xəbər verir ki, bu barədə “New York Times” köşə yazarı Stiven Erlanqer yeni məqaləsində yazıb.
Onun sözlərinə görə, hazırlıq mərhələsində iki taqım əsgər kompüter simulyasiyasından istifadə edərək döyüşdə iştirak edir. Bir komanda hücuma keçir, ikincisi isə başqa otaqdadır və müdafiə etməyə çalışır. Simulyasiya edilmiş məşq adətən real ərazidə, real avadanlıqla təkrarlanır. “Onların silahları kəmərlərində lazer və sensorlarla təchiz olunub ki, onlar nə vaxt öldürüləcəklərini bilsinlər”, – deyə Erlanger bildirib.
Daha əvvəl bildirilib ki, Rusiyanın Ukraynada keçirdiyi xüsusi əməliyyat nəticəsində Finlandiya sakinləri hərbi təlimlərə kütləvi şəkildə maraq göstəriblər. Ölkə hərbi büdcəsini və bununla da yeni əsgərlər və ehtiyatda olanlar üçün əsas olan təlimlərin tezliyini əhəmiyyətli dərəcədə artırıb.
Havar Şəfiyeva
Son şərhlər