Polşa və Çexiya qeyri-qanuni mühacir axını ilə mübarizə aparmaq üçün gecə yarısı Slovakiya ilə sərhəd qapılarında 10 gün müddətinə müvəqqəti yoxlamalar tətbiq etməyə başlayacaq.
Elchi.az xəbər verir ki, Polşa və Çexiya qeyri-qanuni mühacir axınının qarşısını almaq üçün Slovakiya ilə sərhəddə nəzarəti gücləndirir.
Polşanın daxili işlər və inzibati idarəetmə naziri Mariuş Kaminski keçirdiyi mətbuat konfransında Polşanın bu gecə yarısından etibarən Slovakiya ilə bütün sərhəd qapılarında müvəqqəti yoxlamalara başlayacağını açıqlayıb.
Slovakiyadan Polşaya daxil olan qeyri-qanuni mühacirlərin sayının keçən illə müqayisədə təxminən min faiz artdığını bildirən Kaminski, sərhəd qapılarında yoxlamaların qanunvericiliyə uyğun olaraq 10 gün davam edəcəyini və bu müddətin daha sonra uzadıla biləcəyini bildirib.
Son iki həftədə Slovakiyadan Polşaya girən 551 qeyri-qanuni immiqrantı tutduqlarını ifadə edən Kaminski, Slovakiya, Almaniya, Avstriya, Çexiya və Avropa Komissiyasının nəzarətlərlə bağlı məlumatlandırıldığını bildirib. Dünən Çexiyanın daxili işlər naziri Vit Rakusan ilə görüşdüyünü bildirən Polşalı nazir bu gündən Çexiyanın Slovakiya ilə sərhəd qapılarında yoxlamalara başlayacağını bildirib. “Tədbirlərimiz effektiv olmalıdır, Polşa üzərindən Qərbi Avropaya gedən Balkan marşrutu faktiki olaraq bağlanacaq”, – Kaminski bildirib.
Çexiyanın Daxili İşlər Naziri Rakusan, müraciətlə bağlı verdiyi açıqlamada, nəzarətlərin qeyri-qanuni immiqrasiya və insan alverinə qarşı effektiv mübarizə üçün zəruri olduğunu vurğulayaraq, nəzarətlərin bütün sərhəd boyunca təsadüfi şəkildə aparılacağını söylədi. Tətbiqin Polşa ilə koordinasiyalı şəkildə həyata keçiriləcəyini qeyd edən Rakusen, Slovakiya və qonşu ölkələrlə təmasda olduqlarını bildirib.
Slovakiya hökuməti Polşa və Çexiyanın qərarına reaksiya verib və ölkənin baş naziri Ludovit Odor bütün Avropada qeyri-qanuni mühacir probleminin həll edilməli olduğunu bəyan edib.
Şayəstə Hüseynova
Son şərhlər