“Storm Shadow” və “Scalp” qanadlı raketləri ilə hücumlar zamanı Ukrayna ordusu eyni vaxtda Rusiyanın hava hücumundan müdafiəsini yayındıran “yalançı” raketlər buraxır.
Elchi.az xəbər verir ki, bunu israilli hərbi ekspert Devid Şarp Ukrayna ordusunun Sevastopola uğurlu raket hücumları endirməsini şərh edərkən deyib.
O qeyd edib ki, “Storm Shadow” və “Scalp” hava hücumundan müdafiə üçün çox çətin hədəflərdir. “Storm Shadow” çox aşağı hündürlükdə – 30 metrdə hədəfə uçur. Bu, onu aşkar etməyi və vurmağı çətinləşdirir.
Ekspertin sözlərinə görə, bu cür hücumlar zamanı Ukrayna ordusu zəif təlim keçmiş Rusiya zenitçilərinin diqqətini yayındıran “yalançı” raketlər buraxır.
“Rusiya Müdafiə Nazirliyi hesabatlarında heç də həmişə yalan danışmır – onlar tez-tez vurulmuş saxta hədəfləri həqiqi raketlərlə səhv salırlar. Bir neçə belə hədəf həmişə hücumlarda iştirak edir”, – Şarp vurğulayıb.
Qeyd edək ki, ötən gün Rusiyanın Qara dəniz Donanmasının Sevastopoldakı qərargahı raket atəşinə tutulub.
Tramp: İranla razılaşma bu həftəsonu əldə edilə bilər
ABŞ prezidenti Donald Tramp İranla davam edən danışıqlarla bağlı bildirib ki, "Onlar danışıqların çox, çox yaxşı getdiyini bildiriblər. Əgər razılaşma...
Son şərhlər