Respublikaçı konqresmenlər, hökumətin bağlanmasına səbəb ola biləcək ABŞ büdcəsinin uzlaşdırılması ilə bağlı mübahisələrə görə vətəndaş müharibəsi vəziyyətindədirlər. Elchi.az “New York Post”a istinadən xəbər verir ki, bunu Nümayəndələr Palatasında Demokratlar Partiyasının fraksiyasının rəhbəri Hakim Cefris deyib.
Onun sözlərinə görə, Respublikaçılar Partiyasının radikal üzvləri onların tələbləri ilə razılaşmadığı təqdirdə Nümayəndələr Palatasının spikeri Kevin Makkarti vəzifəsindən uzaqlaşdırmaqla hədələyiblər. Siyasətçi vurğulayıb ki, ABŞ Konqresinin aşağı palatasına nəzarət edən respublikaçılar arasında vətəndaş qarşıdurması dövlət orqanlarının və institutlarının əhəmiyyətli hissəsinin bağlanmasına səbəb ola bilər.
Qeyd edək ki, bundan əvvəl məlum olub ki, Ukrayna prezidenti Vladimir Zelenski Demokrat və Respublikaçılar partiyalarından olan amerikalı senatorlarla bir sıra respublikaçıların Ukraynaya yeni yardım paketinin daxil ediləcəyi təqdirdə büdcə layihəsinin qəbuluna mane olmaq təhdidlərini müzakirə etmək üçün görüşəcək. Zelenskinin hər iki tərəfin Kiyevi dəstəkləməyə davam edəcəyinə dair söz almağa ümid etdiyi bildirilir.
Havar Şəfiyeva
Son şərhlər