Uqandalı bir kişi eyni gündə iki bacı da daxil olmaqla 7 qadınla evləndi. Toyda çıxış edən bəy xanımlarının ona olan bağlılığını yüksək qiymətləndirib və gələcəkdə daha çox qadınla ailə qurmağı planlaşdırdığını bildirib.
Elchi.az xəbər verir ki, Uqandalı kişi eyni gündə 7 qadınla evlənərək birgə toy edib.
Milli mətbuatda çıxan xəbərlərə görə, Uqandada ənənəvi müalicə üsullarını tətbiq edən həkim Ssaalongo Nsikonenne Habib Ssezzigu ölkənin Bugereka qəsəbəsində eyni anda 7 qadınla evlənib.
Evləndiyi qadınlar arasında iki bacısı olan Ssezziqu arvadlarına toy hədiyyəsi olaraq avtomobil hədiyyə edib.
Çoxlu qonağın iştirak etdiyi toy yerli insanları təəccübləndirib.
Toyda çıxış edən Ssezziqu xanımlarının ona olan bağlılığını yüksək qiymətləndirib və gələcəkdə daha çox qadınla evlənməyi planlaşdırdığını bildirib.
Bildirilib ki, Ssezziqunun babasının 6, atasının isə 5 arvadı olub.
Bəyin bir anda ölkədə ən çox qadınla evlənən şəxs olduğu təxmin edilir.
Şayəstə Hüseynova
Son şərhlər