Qvatemalada keçirilən prezident seçkilərinin ikinci turunda “The Seed” mərkəzçi hərəkatının nümayəndəsi Bernardo Arevalo 59% səs toplayaraq qalib gəlib. Bu barədə Qvatemala Ali Seçki Məhkəməsinin sədri İrma Palensiya qurumun Facebook səhifəsində yayımlanan konfransda bildirib.
Elchi.az xəbər verir ki, bu barədə TASS yazır.
O qeyd edib: “Biz Bernardo Arevalonun seçkinin qalibi olduğunu təsdiqləyə bilərik”. Protokolların 96%-ni işlədikdən sonra o, 2,38 milyondan çox səs toplayıb. Mərkəzçi Milli Ümid Birliyi partiyasından olan rəqibi Sandra Torres 1,46 milyondan çox səs və ya 36,24% toplayıb. Seçici fəallığı 45% olub və siyahıya alınmış seçicilərin ümumi sayı 9 milyonu ötüb. Seçki kampaniyasında Arevalo narkotik kartelləri ilə mübarizə aparacağını, polis qüvvələrini 12 min nəfər artıracağını, təxminən 4 min kilometr yol çəkəcəyini, cinayət məcəlləsinə “mülki ölüm” (cinayətkarın mülki və siyasi hüquqlardan tamamilə məhrum edilməsi) tətbiqi üçün islahatlar aparacağını vəd edib.
O, həmçinin milli antikorrupsiya sistemi yaratmağı və xaricdə yaşayan Qvatemala vətəndaşları üçün Konqresdə təmsil olunmaqla yeni seçki dairəsi yaratmağı planlaşdırır.
Prezident dörd il müddətinə seçilir və başqa bir müddətə namizəd olmaq hüququna malik deyil. Seçilmiş namizəd səslərin mütləq əksəriyyətini aldıqda namizəd sayılır. O, seçkidən sonrakı ilin yanvarın 14-də vəzifəsinin icrasına başlayır.
Nuranə Məmmədova
Son şərhlər