2023-cü ilin əvvəlindən İtaliyaya dəniz yolu ilə 100 min miqrant gəlib. Elchi.az xəbər verir ki, bu barədə “La Repubblica” yazır.
Daha 180 min miqrant qaçqınların qəbulu mərkəzlərindədir ki, bu da 2018-ci ildən bəri rekord göstəricidir. Yeni miqrantları yerləşdirmək üçün bir çoxları düşərgələrdən çıxarılmalı olur.
Nəşr qeyd edir ki, Aralıq dənizindən keçmək üçün hələ iki aylıq yaxşı hava şəraiti var, ona görə də miqrantların sayı iki dəfə arta bilər. İndiyədək 2016-cı ildə qeydə alınan qaçqınların rekord sayı 180 min nəfərdir.
Qeyd edək ki, avqustun əvvəlində İtaliyanın bəzi bölgələrində hakimiyyət miqrantları yerləşdirmək üçün çadır düşərgələri yaratmalı oldu.
İyunun əvvəlində Aİ miqrasiya qanunvericiliyində köklü islahat haqqında razılığa gəlib. Hər bir ölkə miqrant qəbul etməkdən imtina edərsə, 20 min avro ödəməli olacaq.
Havar Şəfiyeva
Son şərhlər