Senator Aleksey Puşkov deyib ki, məhkəmə çəkişmələri və korrupsiya araşdırmaları Donald Trampı ABŞ prezidentliyi yarışından kənarlaşdıra bilər. Eyni aqibət Ağ Evin hazırkı rəhbəri Co Baydeni də gözləyə bilər. Elchi.az xəbər verir ki, bu barədə Puşkov “Telegram” kanalında qeyd edib.
Senatorun sözlərinə görə, Tramp ittihamlarla mübarizə apara bilməsə, Bayden isə korrupsiya qalmaqallarına və ya səhhətinin pisləşməsinə görə yarışdan kənarlaşdırıla bilər.
“Belə olan halda həm respublikaçılar, həm də demokratlar seçkilərə yeni namizədlərlə gələcəklər”, – deyə Aleksey Puşkov yekunlaşdırıb.
Daha əvvəl bildirilib ki, Donald Trampın siyasi fəaliyyət komitəsinin məhkəmə xərcləri 2023-cü ilin birinci yarısında 40,2 milyon dolları keçib. İctimaiyyətlə əlaqələr üzrə direktor Endryu Romeo bu məlumatı şərh edərək qeyd edib ki, qanuni ödənişlər respublikaçılara Ağ Evi geri qaytarmağa kömək etməyəcək.
Bundan əlavə, Amerika mediası daha əvvəl yazıb ki, ABŞ rəhbəri Co Bayden rüşvət aldığı təsdiqlənərsə, qarşıdan gələn prezident seçkilərində qalib gəlmək şansını itirə bilər.
Qeyd edək ki, ABŞ-da yeni prezident seçkiləri 2024-cü il noyabrın 5-nə təyin edilib. Donald Tramp və Co Bayden ölkə lideri postuna əsas namizədlər hesab edilir.
Havar Şəfiyeva
Son şərhlər