İsmayıllı rayonunun İvanovka kəndində müasir incəsənəti, adət-ənənələri və təbiəti özündə birləşdirən unikal “DaMİR – House of Imagination”nin açılışı olub.
Elchi.az verir ki, “DaMİR” yaradıcılıqla məşğul olan və maraqlananlar üçün cəlbedici məkan olmaqla, İsmayıllı rayonunun və bütövlükdə Azərbaycanın mühüm mədəniyyət və yaradıcılıq mərkəzlərindən birinə çevrilməyi gözlənilir.
Məkanın təsisçiləri – yaradıcılığın inkişafı üzrə YARADAN ictimai təşkilatının həmtəsisçiləri: yazıçı Nigar Rzayeva və rəssam Vüsalə Ağarazıyeva köhnə Molokan evini bərpa etməsinə, ona yeni həyat verib orijinallığının qorunub saxlanmasına böyük zəhmət sərf ediblər. Onlar öz yanaşmalarını və layihənin unikallığını əks etdirən art obyektlər ərsə gətirmək üçün köhnə əşyalardan xüsusi şəkildə istifadə ediblər.
Konsepsiya innovativ layihələrin həyata keçirilməsinə, irsin qorunub saxlanmasına və ölkədə incəsənətin inkişafı üçün platformanın yaradılmasına yönəlib. Həmçinin məkanda təqdim olunan rəssamların, keramikaçıların, şairlərin, yazıçıların və digər sənətkarların əsərlərni əldə etmək imkanı verilir. Yerli əhalinin, xüsusən də gənclərin layihələrə cəlb olunması kənddə incəsənətin inkişafı və yaradıcı məşğulluğa cəlb olunması üçün vacib aspektdir.
DaMİR komandası xarici və yerli incəsənət rezidentləri arasında əməkdaşlığa xüsusi diqqət yetirir ki, bu da birgə yaradıcılıq tədqiqatları və mədəni mübadilə üçün vacibdir. Bu incəsənət məkanının açılışı təkcə İvanovka kəndi üçün deyil, bütün rayon üçün əlamətdar hadisə olacağını vəd edir.
Yaradıcı insanları və turistləri cəlb etməklə mədəni turizmin inkişafına töhfə verir və müasir Azərbaycan rəssamlarının ən yaxşı nümunələri ilə tanış olmağa imkan verir.
Qeyd edək ki, İvanovka Azərbaycan Respublikasının İsmayıllı rayonunda təkcə tarixi-mədəni sərvət deyil, həm də təbiətin gözəl guşəsidir. Bu ərazi Şəki dağlıq bölgəsində yerləşdiyindən ətrafı xüsusən gözəl və mənzərəli edir. Kəndin zəngin tarixə malik olması onun memarlığında, adət-ənənələrində müşahidə olunur.
Molokanlar İvanovkanın baniləri kimi buranın özünəməxsus tarixi cəhətidir və onların mövcudluğu kəndə xüsusi ab-hava gətirir. Kökləri Rusiyada olan xüsusi bir dini icma olmaqla, yaşamış və müxtəlif ölkələrə, o cümlədən Azərbaycana yayılmışdır. Onlar öz adətlərini, nəsildən-nəslə ötürür, mədəni irsinə qayğı ilə yanaşırlar ki, bu da bu icmanın rəngini və xüsusi ruhunu qoruyub saxlamaq üçün vacibdir.
Havar Şəfiyeva
Son şərhlər