Prezident Rəcəb Tayyib Ərdoğanın rəsmi təmaslar üçün gəldiyi Qətərdə Türkiyə ilə Qətər arasında diplomatik əlaqələrin qurulmasının 50-ci ildönümü münasibətilə birgə bəyanat imzalanıb.
Elchi.az xəbər verir ki,bu barədə Türk mediası məlumat yayıb.
Prezident Ərdoğan ilə Qətər Əmiri Şeyx Təmim bin Həməd Al Tani arasında keçirilən görüşün əvvəlində imzalanan bəyannaməni Türkiyə tərəfdən xarici işlər naziri Hakan Fidan və Qətər adından Qətərin baş naziri və xarici işlər naziri zati-aliləri Şeyx Məhəmməd bin Əbdülrəhman bin Casim Al Tani imzalayıblar.
Bəyanatda deyilir: “2023-cü ildə Türkiyə Respublikası ilə Qətər Dövləti arasında diplomatik əlaqələrin qurulmasının 50-ci ildönümünü qeyd etməkdən məmnunuq. Türkiyə-Qətər münasibətləri 1973-cü ildə qurulduğu gündən strateji tərəfdaşlıq mərhələsinə çatana qədər keyfiyyətcə dəyişikliyə məruz qalıb. İki qardaş ölkə arasında mövcud əməkdaşlıq Türkiyə Prezidenti Zati-aliləri Rəcəb Tayyib Ərdoğan və Qətər Əmiri Şeyx Təmim bin Həməd Al Taninin müdrik rəhbərliyi altında gündən-günə möhkəmlənməkdə davam edir.
“Müxtəlif sektor və sahələrdə ikitərəfli əməkdaşlığın səviyyəsinin yüksəldilməsi məqsədilə 100-ə yaxın sənəd imzalanıb”
Türkiyə və Qətərin əksər regional və beynəlxalq məsələlərdə oxşar yanaşmaya sahib olduğuna diqqət çəkən bəyanatda, “Türkiyə Respublikası ilə Qətər Dövləti arasında mövcud strateji tərəfdaşlıq bütün səviyyələrdə səmərəlidir və iki ölkə oxşar yanaşma nümayiş etdirir.
Nuranə Məmmədova
Son şərhlər