Kosta Rikanın antikorrupsiya prokurorluğu keçmiş prezident Luis Gilyermo Solis Riveraya qarşı ittiham irəli sürüb. O, ölkə xəzinəsinin zərərinə nüfuzunu satmaqda ittiham olunur.
Elchi.az-ın Ria.ru-ya istinadən xəbərinə görə, keçmiş prezidentin aparat rəhbərinə, maliyyə nazirinə, milli xəzinədarına və müavininə qarşı da ittihamlar irəli sürülüb.
“Dürüstlük, şəffaflıq və korrupsiyaya qarşı mübarizə məsələləri ilə məşğul olan Prokurorluq (FAPTA) respublikanın keçmiş prezidenti (2014-2018) Solis Riveranı və onun hökumətinin dörd üzvünü dövlət xəzinəsinə qarşı təsir göstərməkdə ittiham edib”, – deyə Baş Prokurorluğun saytında yer alan məlumatda qeyd olunub.
Prokurorların fikrincə, müttəhimlər əsassız olaraq vəsaitlərin qaytarılmasına zəmanət və lazımi ekspertiza olmadan xəzinədarlıq vəsaitlərini likvidliyini dəstəkləmək üçün “Cartago Bancrédito Agricultural Credit Bank”-ın balansına köçürməyə razılaşıblar. Təqsirləndirilən şəxslərin əməllərinin guya dövlət mənafeyinə və xəzinəsinə ziyan vurmaqla həyata keçirilib.
Sabiq prezident, keçmiş vitse-prezident və maliyyə naziri Elio Fallas Veneqasdan başqa, Solisin aparat rəhbəri və hazırda Belçikadakı səfiri Serxio Alfaro Salas, keçmiş milli xəzinədar Marta Kubillo Ximenez və onun müavini Maurisio Arroyo Rivera da müttəhimin kürsüsündə çıxış edəcəklər.
Keçmiş dövlət başçısı mediaya açıqlamasında ittihamları qəti şəkildə rədd edərək, hökumətinin həmişə qanuna uyğun, ölkənin rifahı naminə fəaliyyət göstərdiyini və konkret halda kreditorların maraqlarını rəhbər tutduğunu bildirib.
Yeganə
Son şərhlər