Azərbaycan Yazıçılar Birliyinin Natavan klubu bundan sonra ödənişli əsaslarla fəaliyyət göstərəcək.
Elchi.az xəbər verir ki, bunu Faktmedia.az-a danışan AYB-nin mətbuat xidmətinin rəhbəri Xəyal Rza deyib ki, qəti qərar sentyabr ayında məlum olacaq:
“Bu məlumat müvəqqəti xarakter daşıyır. Sentyabr ayına qədər Natəvan klubunu bağlayacayıq. Axırıncı qeydiyyatdan keçirilmiş son tədbirlər keçirilir. Hal-hazırda bu barədə müzakirələr gedir. Müəyyən təsərrüfat xərcləri var. Bunun ışıq pulu var, bəzən görürük ki, stollar sındırılır. Düşünürük ki, ödənişli olsa daha ehtiyatlı davranarlar və tədbirlərin müddəti qısalar, konkret vaxt qoyulacaq. Amma bu qəti qərar deyil. Onu da qeyd edək ki, əsasən kənardan gələnlər üçün bu şərtlər keçiriləcək. AYB-nin üzvlərinə bu qərarlar aid olmayacaq”.
Son şərhlər