Ukraynanın hava hücumundan müdafiə sistemlərindən İsrailin Mossadına qədər çox məxfi məlumatları ehtiva edən sənədlər internetə düşdükdən sonra, ABŞ rəsmiləri sızmanın mənbəyini axtararkən, bəzi ekspertlər məlumatı sızdıran şəxsin ABŞ-dan ola biləcəyini bildirirlər.
Elchi.az xəbər verir ki, səlahiyyətlilər bildirirlər ki, Ukrayna müharibəsi, Çin, Yaxın Şərq və Afrika ilə bağlı məlumatların yer aldığı sənədlərdəki mövzuların genişliyi onun bir amerikalı tərəfindən sızdırılmış ola biləcəyinə dəlalət edir.
“Hazırda diqqət ABŞ-dan qaynaqlanan sızma ehtimalına yönəlib, çünki sənədlərin əksəriyyəti yalnız ABŞ-ın əlindədir”, – ABŞ Müdafiə Nazirliyinin keçmiş yüksək rütbəli rəsmisi Maykl Murroy Reuters agentliyinə bildirib.
ABŞ rəsmiləri istintaqın hələ başlanğıc mərhələsində olduğunu və təhqiqatı aparanların sızmanın arxasında Rusiyanı dəstəkləyən ünsürlərin olması ehtimalını istisna etmədiklərini bildiriblər.
Bildirilir ki, sızma 2013-cü ildə WikiLeaks-də 700 mindən çox sənəd, video və diplomatik teleqramın görünməsindən bəri ən böyük təhlükəsizlik pozuntusudur.
Şayəstə
Son şərhlər