“Prezident İlham Əliyev çıxışında bir çox mühüm və vacib məsələlərə toxundu. Onun sözlərinə görə, dünya miqyaslı ictimai-siyasi xadimlərin iştirakı və çıxışı tədbirin əhəmiyyətini daha da artırır”-bu sözləri Elchi.az-a açıqlamasında Tural İsmayılov deyib.
“Bu gün dünya siyasətində Azərbaycanın özünəməxsus yeri var. Qarabağ Zəfəri Azərbaycanın dünyada yerini və mövqeyini daha da gücləndirib. Ölkəmizin mövqeləri hər gün daha da inkişaf edir”.
Tural İsmayılov qeyd edib ki, öz fəaliyyəti ərzində Nizami Gəncəvi Beynəlxalq Mərkəzi qlobal məsələləri müzakirə edən və geniş beynəlxalq birliyi sıralarına qata bilən aparıcı beynəlxalq institutlardan birinə çevrilib. Prezident İlham Əliyev Mərkəzin işini hər zaman yüksək qiymətləndirib. Politoloqun fikrincə, Bakı Forumu əhəmiyyətinə və əhatəsinə görə Davos İqtisadi Forumu və Münxen Təhlükəsizlik Konfransı kimi dünyada nüfuzlu tədbirdir. O cümlədən həmin forumlardan fərqlənir. Davos Forumu yalnız iqtisadi, Münxen Forumu isə təhlükəsizlik məsələlərini əhatə edir. Amma Bakı Qlobal Forumu universal xarakter daşıyır və beynəlxalq gündəmdə olan siyasi, iqtisadi, humanitar, eləcə də digər məsələləri əhatə edir.
Tural İsmayılov bildirib ki, Qlobal Bakı Forumunda dünyanın gələcək siyasi mənzərəsi daha da aydınlaşır. Forumda Prezident İlham Əliyevin çıxışı və səsləndirdiyi bəyanatlar xüsusi əhəmiyyətə malikdir.
Havar Şəfiyeva
Son şərhlər