“The Wall Street Journal” (WSJ) adı açıqlanmayan mənbələrə istinadən yazır ki, ABŞ hakimiyyəti ölkənin dəniz limanlarında yerləşən Çin istehsalı olan nəhəng kranların Pekin tərəfindən casusluq vasitəsi kimi istifadə oluna biləcəyindən narahatdır.
Elchi.az xəbər verir ki, qəzetin həmsöhbətləri Çinin ZPMC-nin istehsal etdiyi liman kranlarını göz qabağında gizlədilən “Troya atı” ilə müqayisə edirlər.
“Nisbətən yaxşı istehsal keyfiyyətinə və aşağı qiymətə baxmayaraq, onlar konteynerlərin mənşəyi və təyinat yerini qeyd edə və izləyə bilən mürəkkəb ötürücülərə malikdir. Bu, Çinin ABŞ-ın dünya üzrə hərbi əməliyyatlarını dəstəkləmək üçün bu ölkəyə göndərilən və ya bu ölkədən ixrac edilən maddi resurslar haqqında məlumat toplaya biləcəyi ilə bağlı narahatlıq doğurur”, – WSJ məqaləsində deyilir.
ABŞ əks-kəşfiyyatının keçmiş yüksək rütbəli məmuru Bill Evaninin sözlərinə görə, kranlar həm də yük axınını pozmaq istəyənlərə uzaqdan girişi təmin edə bilir. Qəzet amerikalılara casusluq etmək qorxusuna görə ABŞ səlahiyyətliləri tərəfindən avadanlıqlarına qadağa qoyulmuş Çin telekommunikasiya konserninə istinad edərək yazır:
“Kranlar yeni “Huawei” ola bilər”.
Çinin Vaşinqtondakı səfirliyinin nümayəndəsi WSJ-yə bildirib ki, ABŞ-ın bununla bağlı qorxusu paranoyaya görədir və Pekinlə ticarət-iqtisadi əməkdaşlığa mane olmaq cəhdidir.
Yeganə
Son şərhlər