“Azərbaycanda Vardanyanın istefa verməsi nədənsə cəmiyyətə yalnış təqdim olunur. Sanki Vardanyan özbaşına imiş. Həm deyirlər ki, Vardanyanı Rusiya göndərib, həm də Araik Arutunyan onu postundan azad edib. Bu yalnış yanaşmadır. Vardanyanı Rusiya göndərdiyi kimi Azərbaycana hansısa jest müqabilində geri çəkdi”-bu sözləri Elchi.az-a açıqlamasında hərbi-siyasi şərhçi Səxavət Məmməd deyib.
O həmçinin Vardanyanın Rusiya bölgədə qalmaq istədiyini də vurğulayıb:” Gürcüstandan Abxaziya və Osetiyanı qoparıb, bu yolla Tiflisə gözdağı verir. Ermənistanda hərbi bazası var. Paşinyan da bildirdi ki, Rusiya bazası təhdiddir. Azərbaycanı isə Qarabağ problemi ilə öz təsir dairəsində saxlayırdı. Artıq Qarabağın böyük hissəsi işağldan azad edilib, yerdə qalan hissədə də yuristiksiyanın təmin olunması uzaq gələcəyə qalmayacaq. Belə olan halda Rusiya istəyir ki, rəsmi Bakıdan sülhməramlıların qalması üçün mandat alsın. Yəni, müddət bitəndən sonra növbəti 5 il üçün.
Hesab edirəm ki, Rusiya Vardanyan jestini də Bakıya məhz mandat üçün edib. Ehtimal ki, Lavrov bağlı qapılar arxasında rəsmi Bakıdan məhz sülhməramlıların mandat verilməsini istəyəcək.
Azərbaycan geri addım atmamalıdır. Azərbaycan gömrük postlarını qurmadan, erməni silahlarının ərazidən çıxarılmasına nail olmadan belə mandat verməməlidir”.
Havar Şəfiyeva
Son şərhlər