Belçikanın sahilyanı Ostende şəhərində 1987-ci ildən bəri keçirilən “Nieuwjaarsduik” (Yeni ildə dalış) adlı tədbirə təxminən 5 min adam qatılıb.
Elchi.az xarici mediaya istinadən xəbər verir ki, okeanların təmiz saxlanmasına diqqət çəkmək məqsədilə təşkil edilən tədbirə bəzi belçikalılar maraqlı geyimlərlə qatılıb.
İştirakçılar dənizə getməzdən əvvəl çimərlikdə isinmə hərəkətləri ediblər. Saat 15.00-da verilən siqnalla aralarında uşaq və qocaların da olduğu minlərlə insan təxminən 200 metr məsafədən dənizə doğru qaçmağa başlayıb.
Şaxtalı soyuqda dənizə girənlərin bəziləri dərhal oradan çıxıb, bəziləri isə suda daha çox qalmağa üstünlük verib.
Tədbir zamanı çoxlu təcili yardım maşınları hazır vəziyyətdə saxlanılıb. Polis və sahil mühafizə qrupları iştirakçıların dənizə həddindən artıq soyuğa məruz qalmasının və boğulmalarının qarşısını almaq üçün tədbirlər görüb.
Yeganə
Son şərhlər