Ölkələrin hərbi qüvvələrini bir araya toplayan “Global Firepower” portalı müdafiə büdcələri, personal sayı, ölkələrin silah sənayesindəki texnoloji inkişaf, işçi qüvvəsi və nəqliyyat vasitələrinin sayı kimi meyarlar nəzərə alınmaqla hazırlanan 2023-cü il üçün siyahısını dərc edib.
Elchi.az “Hürriyet”ə istinadla xəbər verir ki, hesabatda 2023-cü ilin ən güclü orduları açıqlanıb. Siyahıya Türkiyə və Azərbaycan da daxil edilib.
297 min əsgəri olan İtaliya siyahıda 10-cu yerdədir. Cəmi 197 tankı olan İtaliya dəniz gücü ilə ön plana çıxıb. İtaliya donanmasının 213 parçadan ibarət olduğu açıqlanıb.
Fransa cəmi 850 təyyarəsi olan İtaliyadan bir pillə yuxarıdır. 415 min hərbçisi olan Fransa ordusunda 1000-dən çox təyyarənin olduğu bildirilir. 222 tankı olan Fransa ordusunun donanması 126 parçadan ibarətdir.
Siyahıda 8-ci yerdə olan Yaponiyanın 309 min nəfərlik ordusu var. Yaponiya donanması 155 hissədən ibarətdir. 1451 təyyarəsi olan Yaponiyanın tanklarının sayı 1004-dür.
Yaponiyanı geridə qoyan Pakistan 1,7 milyonluq ordusu ilə diqqət çəkir. Pakistanın 1413 təyyarəsi və 3742 tankı var.
Siyahının 6-cı pilləsində qərarlaşan Cənubi Koreya ordusunun 1 milyon 130 min nəfərlik ordusu var. Orduda 1602 təyyarə və 2331 tank var. Cənubi Koreya donanması 157 hissədən ibarətdir.
Cənubi Koreyanı geridə qoyan İngiltərənin 231 min nəfərlik ordusu var. 663 təyyarəsi olan Britaniya ordusunun 227 tank və 73 ədəd donanması var.
Siyahıda 4-cü yerdə olan Hindistan böyük ordusu ilə diqqət çəkən ölkələrdəndir. 5 milyondan çox əsgəri olan ordunun ehtiyatında 2210 təyyarə və 4614 tank var.
3-cü yerdə Çin 3 milyon 150 min nəfərlik orduya ev sahibliyi edir. 3 min 284 təyyarəsi olan Çində tank sayı 5 minə yaxındır. Son məlumatlara görə, Çin Hərbi Dəniz Qüvvələri 730 hissədən ibarətdir.
Siyahıda ikinci yeri Ukraynada müharibəsni davam etdirən Rusiya tutub. 1,3 milyon əsgərdən ibarət Rusiya ordusunun inventarında 4 mindən çox təyyarə, 12 min 566 tank və 12 minə yaxın top olduğu açıqlanıb. Rusiya Hərbi Dəniz Qüvvələrində 598 gəmi var.
Siyahının başında gələn ölkə yenə ABŞ olub. 2 milyona yaxın əsgəri olan ordunun inventarına 5500 tank və 2500 top daxildir. ABŞ-ın hava qüvvələri 13 300 təyyarə və helikopterdən ibarətdir. Donanma 484 hissədən ibarətdir.
.jpg)
Siyahıdakı yerini qoruyan Türkiyə 11-ci yerdə qərarlaşıb. 775 min nəfərlik ordusu olan Türkiyənin inventarında 1000-dən çox təyyarə, 2229 tank və 3 min silah var.
Türk donanmasının 154 parçadan ibarət olduğunu bildirən “Global Firepower”, sualtı qayığın sayını 12 olaraq açıqlayıb.
2023-cü il hesabatına görə, Türkiyə Yunanıstan, İspaniya, Misir, İran, İndoneziya və Polşa kimi ölkələri geridə qoyub.
Hesabatda Azərbaycan 57-ci, Ermənistan isə 94-cü pillədədir.
Dünyanın ən zəif ordusu isə 145-ci yerdə olan Butandır.
Son beşlik isə belədir: Liberiya, Somali, Moldova, Benin və Butan.
Son şərhlər