“Müharibəni Ukrayna başlatmayıb və sifarişlə bitirməyəcək”.
Elchi.az xəbər verir ki, bunu Ukrayna Prezident Ofisi rəhbərinin müşaviri Mixail Podolyak “Twitter” hesabında yazıb.
“Yenə Z-ultimatumlar? Bu müharibəni Ukrayna başlatmayıb və onu sifarişlə bitirməyəcək. Moskvadakılar adekvatlığa qayıdaraq müharibəni istənilən vaxt bitirə bilərlər: şəhərlərimizə raket göndərməyi dayandırın, qoşunlarınızı çıxarın və nüvə təbliğatından imtina edin”, – Podolyak Rusiya prezidentinin sözçüsü Dmitri Peskova cavabında bildirib.
Bundan öncəki açıqlamasında Peskov bildirib ki, Ukrayna istəsə müharibəni dayandıra bilər: “Ukrayna tərəfi bu günün sonuna qədər hər şeyi dayandıra bilər. Bunun üçün millətçi birləşmələrin və Ukrayna hərbçilərinin silahı yerə qoyması əmri, eləcə də Rusiyanın şərtlərini yerinə yetirmək lazımdır. Hər şey günün sonuna qədər bitə bilər. Qalanı artıq Ukrayna dövlətinin başçısının fikirləridir”.
Son şərhlər