ABŞ Rusiyanın “Alfa-Bank” və “Sberbank”ına qarşı tam bloklayıcı sanksiyalar tətbiq edib.
Bu barədə ABŞ administrasiyasında təmsil olunan şəxs məlumat verib.
Məlumatda qeyd olunur ki, artıq Rusiyanın ən böyük bankları və Mərkəzi Bankı ABŞ-la hər hansı bir maliyyə, köçürmə və sair fəaliyyətləri icra edə bilməyəcək.
10:21
ABŞ-ın tətbiq edəcəyi yeni sanksiyalar Rusiyanın “Alfa-Bank”ına da təsir edəcək. Amma məhz hansı sanksiyaların nəzərdə tutulduğu barədə dəqiq məlumat verilmir. Əvvəllər “Alfa-Bank” ABŞ tərəfindən müxbir hesablara məhdudiyyətlər nəzərdə tutan CAPTA (Müxbir Hesab və ya Ödənişli Hesab Sanksiyaları) siyahısına əlavə edilmişdi.
Ağ Ev Rusiyaya qarşı yeni sanksiyaların aprelin 6-da qüvvəyə minəcəyini təsdiqləyib.
Planlaşdırılan sanksiyalar barədə daha əvvəl “Reuters” məlumat yaymışdı. Agentliyin xəbərinə görə, yeni sanksiyalar Rusiyaya bütün yeni investisiyaların qadağan edilməsini, həmçinin Rusiya maliyyə institutlarına təzyiqin artırılmasını ehtiva edir. Mənbə həmçinin dövlət müəssisələri, vəzifəli şəxslər, eləcə də onların ailə üzvlərinin də sanksiyalara məruz qala biləcəyini əlavə edib.
Bundan əvvəl “Alfa-Bank”ın təsisçisi Mixail Fridman sanksiyalara görə Londonda nağd pulsuz qaldığını və hətta xadimənin pulunu belə verə bilmədiyini bildirmişdi.
Mənbə: “The Wall Street Journal”
Son şərhlər