Delimitasiya prosesinin başlanması ilə bağlı birgə ikitərəfli komissiyanın yaradılması istiqamətində davamlı, ardıcıl yanaşmanı müşahidə etmirik.
Elchi.az-ın xəbərinə görə, bu barədə Azərbaycanın xarici işlər naziri Ceyhun Bayramov Bakıda macar həmkarı ilə birgə mətbuat konfransında bildirib.
O qeyd edib ki, iki həftə əvvəl Ermənistan tərəfi Rusiya vasitəsilə təkliflərini göndərib: “Bəlli ilkin şərtlər irəli sürülmüşdü. Azərbaycan tərəfi qısa zaman ərzində mövqeyini çatdırdı. Bu prosesə heç bir qeyd-şərt olmadan başlaya biləcəyimiz ifadə olunmuşdu. Bu, təcrübələrə əsaslanan prosesdir, prosesin başlaması üçün dırnaqarası icadlara ehtiyac yoxdur. Komissiya öz işinə başlamalıdır. 30 il ərzində torpaqları işğal altında saxlayan bir dövlətin delimitasiya prosesi üçün hər hansı şərt irəli sürməsinə nə mənəvi, nə hüquqi, nə də siyasi haqqı var. Ermənistan tərəfinin bunu tez bir zamanda anlayacağına ümid edirik. Bu, region üçün faydalı olar”.
Son şərhlər