ABŞ dövlət katibinin birinci müavini Vendi Şerman Brüsseldə NATO Baş katibi Yens Stoltenberqlə görüşüb.
Elchi.az-ın xəbərinə görə, bu barədə ABŞ dövlət katibinin birinci müavini “Twitter” hesabında məlumat verilib.
Görüşdə yanvarın 12-də keçiriləcək NATO-Rusiya Şurasının iclası və gərginliyi azaltmaq üçün Rusiyanın addımlarının vacibliyi müzakirə olunub.
“Biz Rusiya ilə bağlı NATO-nun çəkindirmə və dialoqu əhatə edən vahid yanaşmasını təsdiqlədik və Ukraynaya sarsılmaz dəstəyimizi vurğuladıq”, dövlət katibinin birinci müavini bildirib.
Qeyd edək ki, yanvarın 10-da Cenevrədə Vendi Şermanın rəhbərlik etdiyi nümayəndə heyəti ilə Rusiya xarici işlər nazirinin müavini Sergey Ryabkovun rəhbərlik etdiyi nümayəndə heyəti arasında görüş olub.Foto
Son şərhlər