“Azərbaycanda sahibkarlığın inkişafına hərtərəfli dəstək göstərilir, lakin təəssüflər olsun ki, bəzi hallarda tikinti sahəsində fəaliyyət göstərən sahibkarlar bu dəstəkdən sui-istifadə edirlər, sənədləşmə prosedurunu tam həyata keçirmədən tikintiyə başlayırlar”.
Elchi.az Trend–ə istinadən xəbər verir ki, bunu Dövlət Şəhərsalma və Arxitektura Komitəsinin sədri Samir Nuriyev deyib.
S.Nuriyev qeyd edib ki, bu halların qarşısını almaq üçün lazımi tədbirlər görülür, eyni zamanda aidiyyəti dövlət orqanları ilə əməkdaşlıq edilir:
“Hamıya səslənərək sahibkarları tikinti sahəsində qanunvericilik çərçivəsində öz işlərini görməyə çağırırıq. Bu işlərə çox ciddi nəzarət olunacaq. Sahibkarlara səslənərək deyirəm ki, tikinti prosesi tam icazə alınandan sonra həyata keçirilməlidir”.
Son şərhlər