“Görünür rusların əlində elə məlumatlar var ki, bu adamlar şərəfini itirmiş mili satqınlar kimi tarixdə və xalqımızın yaddaşında qalmağı, o dünyaya (cəhənnəmə) xalqın lənətləri getməyi üstün tuturlar, nəinki o məlumatların açılmasını.”
Bunu BAXCP sədri, millət vəkili Qüdrət Həsənquliyev Moderator.az -ın suallarını cavablandırarkən deyib.
İranın ali dini lideri ABŞ-ın nüvə razılaşmasından çıxmasından sonra İranın həmin anlaşmaya sadiq qalması üçün digər iştirakçılar qarşısında şərt qoyub. Sizcə proseslərin sonu necə qurtaracaq?
Sonda həmişə olduğu kimi güclü qalib gələcək. İran çevik siyasət yürütməsə və müəyyən güzəştlərə getməsə ya İranın daxilində inqilab baş verəcək ya da hərbi güc tətbiq etməklə ABŞ, İsrail və onlara maliyyə dəstəyi verəcək Səudiyyə Ərəbistanı tərəfindən viran ediləcək. İranın nüvə silahı istehsal etməsi böyük dövlətləri narahat etsə də bizim üçün qorxulu deyil. Bu imkan verəcək ki, Türkiyə də həmin silaha sahib sahib olsun. Nəticədə regionda Rusiyanın hegemonluğuna son qoyulacaq, sülh daha etibarlı təmin olunacaq. Nüvə silahı olmasaydı üçüncü dünya müharibəsi çoxdan başlamışdı. Bu silah nə qədər təhlükəli olsa da böyük çəkindirici gücə malikdir, sülhün ən böyük təminatçısı odur. Ümid etmək istərdim ki,siyasi mollaların müdrikliyi çatacaq Əsədin və Səddamın yolu ilə getməyəcək, müharibədən yayına biləcəklər. Biz öz soydaşlarımızla yanaşı İranda yaşayan digər xalqların da taleyinə görə çox narahatıq. İran bilməlidir ki, NATO üzvləri sonda ABŞ-ın yanında yer alacaq.
R.İbrahimbəyovun filmi haqqında məlumatları necə qarşıladınız?
2013-cü ildə o Moskvadan prezident seçkilərinə göndəriləndə əksəriyyət onun KQB agenti olduğunu başa düşmüşdü. Bu gün susan Milli Şura rəhbərliyinin də çoxu bunu bilirdi, amma onun (Rusiyanın) vasitəsilə hakimiyyətə gəlmək istəyirdilər. KQB təəssüf ki, bizim bəzi ziyalıları sovet dövründə agent edib. Görünür rusların əlində elə məlumatlar var ki, bu adamlar şərəfini itirmiş mili satqınlar kimi tarixdə və xalqımızın yaddaşında qalmağı, o dünyaya (cəhənnəmə) xalqın lənətləri getməyi üstün tuturlar, nəinki o məlumatların açılmasını. Rus FSB -si isə çox amansızdır, milli satqınlardan rezin kimi ömürlərinin qürub çağında da istifadə edir. Ən namussuz adam da xalqına qarşı belə hərəkətə qol qoymaz. Ona görə də mən ermənidən birbaşa pul almaq qarşılığında bunun edildiyini istisna edirəm. Ermənilər pulla rus rəsmilərinə belə sifariş verə bilərlər.
Sonda bu milli xəyanətkarlar bilsinlər ki, bizim xalqımız onların təsvir etdiyi kimi qəddar və dözümsüz olsaydı çoxdan onlrın bağırsaqlarını bu həqarətlərə görə bayıra tökərdi. Amma ermənilər bunu edərdi, Xocalıdakı günahsız körpələrə etdikləri kimi.
Son şərhlər