Rusiyanın “Rosneft” şirkətinin prezidenti İqor Seçin ona maliyyə yardımı göstərilməsi üçün hökumətə müraciət
edib.
edib.Axar.az xəbər verir ki, şirkət rəhbərliyi bunu Qərbin “Rosneft”ə qarşı tətbiq etdiyi sanksiyalarla əlaqələndirib.
Məlumata görə, artıq “Rosneft”in iyun ayının sona olan olan borcu 1.5 trilyon rubla (44.5 milyard dollar) çatıb. Sanksiyalardan sonra şirkətin borcunun pik həddə çatacağı bildirilir. Seçin Milli Təminat Fondunun “Rosneft”in istiqrazlarının 1.5 milyard dollara alınmasını təklif edib. Lakin fondda bu qədər pulun olmadığı bildirilir.
Rusiya Maliyyə Nazirliyinin məlumatına görə, yanvarın 1-də fondda 2.9 milyard rubl var idi, amma pulların əksəriyyəti paylanıb.
İqtisadi İnkişaf Nazirliyindən göndərilən məktubda da bildirilib ki, “Rosneft”in dəstəklənməsi mümkünsüzdür, buna görə də, Baş nazir Dmitri Medvedev Seçinə kömək edə bilməyəcək.
İqor Seçin ABŞ-ın iyulun 17-də tətbiq etdiyi sanksiyanı əsassız, subyektiv və qanunsuz adlandıraraq bildirmişdi ki, “Rosneft”in Ukraynada gedən proseslərlə heç bir əlaqəsi yoxdur.
Qeyd edək ki, “Rosneft” “Qazprom”la birlikdə Rusiyanın ən böyük şirkətlərindən hesab olunur.
Son şərhlər