Artıq bir neçə müddətdir ki, hüquqşünas Aslan İsmayılovla Səbail İcra Hakimiyyəti arasında çəkişmə gedirdi. CNNBaku xəbər verir ki, biri digərinin bostanına daş atır, digəri isə o birini saxtakar adlandırır. Bekəki ki, hüquqşünas Aslan İsmayılov paytaxtın Bayıl qəsəbəsində park saldığını və parkı oğlu ilə gəlininin şərəfinə Vaqif&Gülyaz adlandırdığını bəyan edir. O, parkı öz vəsaiti hesabına saldığını, eyni zamanda ərazinin ona məxsus olmasını iddia edir. Səbail icra hakimiyyətinin isə hüquqşünasa cavabı sərt olur.
Səbail icra hakimiyyəti tərəfindən yayılan məlumatda hüquqşünas saxtakarlıqda ittiham edilir.
“Hörmətli media nümayəndələri, bildiririk ki, sözügedən məlumat Səbail Rayon İcra Hakimiyyətində böyük təəccüb doğurub”-deyə icra hakimiyyəti bəyan edib.
Qeyd olunub ki, Aslan ismayılov vaxtı ilə sürüşmə baş vermiş Bayıl yamacında park saldığını və burada ağaclar əkdiyini göstərir.
“Hamıya yaxşı məlumdur ki, 2016-cı ilin sonlarından etibarən ölkə başçısı İlham Əliyevin tərəfindən Şıx yamacından Bayıl yamacı istiqamətində böyük sahəni əhatə edən ərazidə yaşıllıqlar zonası və meşə zolağının yaradılması barədə tapşırıqlar verib.Bununla əlaqədar Ekologiya və Təbii Sərvətlər Nazirliyi, Bakı şəhər və Səbail Rayon İcra Hakimiyyətləri tərəfindən ilkin mərhələdə «Şıx» yamacında böyük “Ekoloji park” yaradılıb, təkcə Səbail RİH tərəfindən burada 80 mindən çox müxtəlif ağac əkilib və damcı üsulu ilə ağaclara qulluq göstərilir. Lazımi qulluq nəticəsində ağacların hamısında inkişaf gedir.Qeyd olunmalıdır ki, 10 minlərlə ha ərazini əhatə edən bu yaşıllıq ərazisi prezidentin hakimiyyəti illərində salınmış ən böyük yaşıllıq ərazilərindən biridir.Mövsüm ərzində həmin ərazilərdə əkilən ağacların sayının ilbəil artırılaraq Bayıl yamacına kimi böyük bir ərazini əhatə olunması nəzərdə tutulub və hazırda bütün ərazidə ağaclara qulluq göstərilməsi işlər gedir”.
Həmən ardınca hüquqşünasın parka qeyri-leqal yolla qoyduğu dəmir köşk icra nümayəndələri tərəfindən oradan götürülüb. Hətta sosial şəbəkələrdə hüquqşünasın həmin məntəqəni əxlaqsızlıq yuvası etdiyi iddia edilib.
Bir müddət keçəndən sonra hüquqşünas yenidən parkda peyda olur və bildirir ki, o, parkın salınması işlərini davam etdirir. Adının açıqlanmasını istəməyən mənbənin CNNBaku-ya verdiyi xəbərə görə, Aslan İsmayılov böyük bir iş adamının tapşırığı ilə Səbailin icra başçısı Eldar Əzizova “ilişir”. Mənbə vurğulayıb ki, həmin iş adamı Eldar Əzizovun yerinə adıçəkilən posta təyinat almaq istəyir. Bu səbəbdən də, Aslan İsmayılovun fəal sosial şəbəkə istifadəçisi olduğunu nəzərə alıb külli bir vəsait qarşılığında Səbail icra başçısına “ilişməsini” tapşırıb. İndi hüquqşünasın son paylaşımından sonra rəsmi orqanın hansı cavab verəcəyi maraq doğurur.
Aslan İsmayılovun öz adına çıxardığı dövlət ərazisinin icra hakimiyyəti tərəfindən möhürlənməsindən sonra, hüquqşünas Eldar Əzizova qarşı yenidən hücuma keçib. Sabiq vəkil “Torqoviy” kimi tanınan Nizami küçəsində olan ərazilərin guya Eldar Əzizov tərəfindən tutulduğunu və icarəyə verildiyini qeyd edib. Hər 30 saniyədən bir hüquqşünasın qeyd etdiyi “Mənim ofisim burada yerləşir” kəlməsi iştirakçılar tərəfindən birmənalı qarşılanayıb. Belə çıxıb ki, hüquqşünas özünü reklam edir. Mənbənin qeyd etdiyi maraqlı məqam odur ki, Aslan İsmayılov hər gün naharını məhz yol qırağında zəbt olunduğunu iddia etdiyi məşhur restoranlardan birində yeyir. Daha bir vacib nüans isə, hüquqşünas Eldar Əzizova qarşı məhz park məsələsindən sonra hücuma keçməsidir. Amma burada təəvvüblü heçnə yoxdu. İşi alınmadıqda hücuma keçmək taktikası İsmayılovun köhnə vərdişidir.
Son şərhlər