“İnsan Hüquqları və vətəndaş cəmiyyəti naminə” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Ödənişsiz huquqi məsləhət Günləri təşəbbüsü” layihəsini icra edib. Layihə çərçivəsində Şəki və Qəbələ şəhərlərində ödənişsiz hüquqi yardım günlərinin təşkil olunması nəzərdə tutulmuşdur. Layihənin məqsədi Şəki və Qəbələ regionunda əhalinin az təminatlı təbəqələrinə aid vətəndaşların hüquqi yardım hüququnun reallaşdırmalarına yardım göstərilməsidir.
Layihə çərçivəsində Ödənişsiz huquqi məsləhət Günləri Şəki şəhərində 17-18 İyul və Qəbələ şəhərində 19-20 İyul 2017 ci il tarixində təşkil olunmuşdur. Ödənişsiz huquqi məsləhət Günlərində vətəndaşlara hüquqi yardım xidmətini vəkillər kollegiyasının üzvü Səmədov Zaman və hüquqşunas Nəsrullayev Şahin göstərmişlər.
Hər iki rayonda təşkil olunan Ödənişsiz huquqi məsləhət Günlərində hüquqi məsləhət üçün 70-ə yaxın vətəndaş müraciət etmişdir. Müraciətlərin əsasını nigahın pozulması, aliment tələbləri, nigahdan sonra mülkiyətin pozulması, vətəndaşların mülküyət hüququnun pozulması və bank kredit/ipoteka müqavilələrinin etibarsızılığı ilə bağlı hüquqi problemlər təşkil etmişdir.
Son şərhlər