ABŞ prezidenti postuna seçilən Donald Tramp Rusiya ilə əməkdaşlığa dair mühüm açıqlamalar verib.
Avropa.info xəbər verir ki, Rusiya ilə əməkdaşlığın İŞİD-ə qarşı mübarizədə ABŞ-a kömək olacağına inandığını bildirib.
ABŞ-da həftəlik dərc olunan “Time” jurnalı tərəfindən 2016-cı ildə “İlin Adamı” seçilən Tramp jurnala verdiyi müsahibədə prezidentlik postuna oturduqdan sonra siyasət, iqtisadiyyat və miqrasiya sahələrində görəcəyi işlərlə bağlı məlumat verib.
“Rusiya ilə niyə yaxşı dolanmayaq ki? Bir çox insanın həyatına son qoyan və ciddi maliyyə yükünü özü ilə gətirən İŞİD-ə qarşı mübarizədə onlar da bizə yardımçı ola bilərlər, (ruslar) təsirli və ağıllıdırlar.”
Həmçinin ABŞ-da keçirilən prezident seçkilərinə Rusiyanın müdaxilə etdiyi ilə bağlı iddialara inanmadığını deyən Tramp bunun axmaq bir mövzu halına gəldiyini söyləyib.
Son şərhlər