Türkiyə prezidentinin baş yavəri vəzifəsi ləğv edilib.

Türkiyə mediasının məlumatına görə, bu barədə prezident Rəcəp Tayyip Ərdoğan qərar verib. Belə ki, Türkiyə prezidentinin baş yavəri Əli Yazıçının dövlət çevrilişi cəhdindən sonra saxlanılması bu postun ləğvinə gətirib çıxarıb.

Eyni zamanda Beştəpədəki prezident iqamətgahının təhlükəsizliyi üçün çiyindən atılan raketli silahlar yerləşdiriləcək. Bundan sonra yaranacaq hər hansı təhlükəyə Beştəpədən raketlə cavab veriləcək.

Qeyd edək ki, Türkiyə Prezident Administrasiyasında baş yavər və dörd yavər vəzifəsi olub və baş yavər vəzifəsi 1920-ci ildən bəri mövcud olub.