Türkiyə Böyük Millət Məclisi deputatlarının toxunulmazlıq hüququ ləğv olunub.
Türkiyə prezidenti Rəcəb Tayyip Ərdoğan deputatların toxunulmazlığının ləğvini nəzərdə tutan qanunu təsdiq edib.

Qeyd edək ki, qanun Türkiyə parlamenti tərəfindən may ayında qəbul olunub, 550 deputatdan 176-sı qanunun lehinə səs verib.

Xatırladaq ki, Türkiyədə prokurorluq orqanları tərəfindən, əksəriyyəti kürdyönümlü Xalqların Demokratiya Partiyası (HDP) və Cümhuriyyət Xalq Partiyasının (CHP) təmsilçisi olan 138 millət vəkili barəsində cinayət işi başlanıb. Lakin deputat toxunulmazlığı ilə əlaqədar prokurorlar bu işlər üzrə istintaq apara bilmirdi. Bundan sonra həmin millət vəkillərinin istintaqa çağırılması, dindirilməsi, saxlanılması, məhkəmə önünə çıxarılması və barələrində həbs qərarı verilməsi mümkün olacaq.