Ümid Partiyası sədrinin beynəlxalq əlaqələr və strateji məsələlər üzrə müavini, Azərbaycan Avropa Hərəkatının prezidenti Ramin Hacılı bu il keçiriləcək 5-ci çağırış Milli Məclisə seçkilərdə 19 saylı Nərimanov birinci Seçki Dairəsindən namizədliyini irəli sürüb.
Musavat.com-un məlumatına görə, sentyabrın 23-də onun namizədliyi dairə seçki komissiyası tərəfindən rəsmən qeydə alınıb.
Qeyd edək ki, Ramin Hacılı ikinci dəfədir ki, öz namizədliyini irəli sürür. Bundan əvvəl Rövnəq Abdullayevlə rəqib olub. “125-lər” Siyasi Klubunun və Ümid Partiyasının namizədi olan R.Hacılı bu dəfəki seçkilərdə qalib gələcəyinə əmin olduğunu bildirib:“Əminəm ki, vətəninə, dövlətinə xidmət etmək üçün kürsü axtaran, Azərbaycanın Qərblə münasibətlərinə müsbət töhfə verə biləcək biri kimi qazandığım dəstək, kimlərsə tərəfindən saxta yolla əlimdən alınmayacaq. Mən Azərbaycanımıza lazımam, bu çətin məqamda xüsusən çox lazımam”.
Son şərhlər