Ermənilər, biz nəyə sevinirik? Uşaqların ölümünə? Sənin düşməninin faciəsi sənin üçün sevinc mənbəyidir?
Elchi.az xəbər verir ki, bunu Masis Stepanyan adlı erməni “Armenian Report” portalına göndərdiyi məktubunda yazıb. Stepanyan erməni cəmiyyətini sərt şəkildə ittiham edib.
“19 mayda bizimlə qonşu, ancaq qeyri-dost sayılan Azərbaycanda yaşayış binasında yanğın oldu. Bu yanğın nəticəsində 15 nəfər öldü, 60-dan çox adam yaralandı.
Hadisə Ermənistan internet məkanında da öz əks-sədasını verdi. Ermənilər arasında elələri tapılırdı ki, faciə münasibətilə öz sevincini gizlədə bilmirdi. Xüsusilə “Facebook”da bu açıq görünürdü.
19 mayda Bakıda baş verən və 15 can alan faciə erməni cəmiyyətinin elə də ürək açmayan mənzərəsini ortaya çıxardı. Bu məsələ etiraf etmək qorxuludur, amma son iki gündə erməni olmaqdan utanıram.
Ondan başlayım ki, KİV-də Bakıdakı yanğın xəbəri peyda olan kimi sosial şəbəkələrdə izaholunmaz vakxanaliya başladı. Yüzlərlə, minlərlə erməni əl çalıb sevinirdi ki, düşmən dövlətdə 16 mərtəbəli bina yanıb. İlk qurbanlar haqda xəbər gəldikdə isə mənim həmvətənlərim arasında əsl eyforiya başladı. Bakıda ölən adamlar, diri-diri yanan balaca uşaqlar üzündən başlayan eyforiyanı təsəvvür edirsiz?! O gün ermənilər azərbaycanlılara hansı lənətləri yağdırmadılar. Biri lap “Sizə elə belə də lazımdır, öz mazut sultanlığınızda boğulun, ölün!” yazırdı.
Digərləri kompüter qarşısında əllərini bir-birinə sürtərək uzaqgörən təhlillər edirdi:
“Yanğında nə qədər çox uşaq yansa, Qarabağda bizim əsgərlərə atəş açan bir o qədər az əsgər böyüyəcək”. Və bu ruhda şərhlər…
Axı, mən sizə nəyi sübut edirəm? Dostlarınızın, tanışlarınız səhifələrini açın və əmin olacaqsınız ki, onlar Bakıdan gələn hər növbəti qurban xəbərinə necə sevinirdilər. Uzun illərdir ölkəni qarət edən və alçaldan, insanları ağlını itirməyə, ən yaşı halda ölkədən qaçmağa vadar edən Sarkisyan klanının devrilməsi xəbərinə yəqin belə sevinməzdilər. Yox, onlar ölümlərə sevinirlərlə. Uşaqların, qadın və qocaların ölümünə. Yanğında ölən şəxslərin əksəriyyətini onlar təşkil edirdi.
Mənim daha sözüm yoxdur. Bu Allahsızlıqdır. İnsanlar, dayanın! Axı, siz nə edirsiniz? Deyək ki, bu Azərbaycanda baş verib. Lap Türkiyədə olsun. Ancaq orada dinc sakinlər ölüb, o cümlədən, uşaqlar. Bizə öz simasını itirmiş vəhşilərə oxşamaq yaraşmaz. Dinc sakinlərin, uşaqların ölümü bizi sevindirməməlidir.
İndi təsəvvür edin ki, bənzər hadisə Ermənistanda baş versəydi sizlər nə hiss edərdiniz? Siz bu iyrənc, küçük sevincini bizim faciəmiz üçün də keçirərdinizmi? Başa düşün, içimizdən heç kəs növbəti yanğın qurbanı olmaqdan, yaxud faciəyə tuş gəlməkdən sığortalanmayıb.
Ən təəccüblüsü isə odur ki, bircə nəfər erməni iqtidar nümayəndəsinin, o cümlədən müxalifətçinin ağlı çatmadı ki, xalqı sağlam düşüncəyə çağırsın. Onlardan heç biri KİV-ə çıxıb demədi ki, “Dayanın! Ağlınız olsun!” Belə çıxır ki, onlar hamısı Bakı sakinlərinin yanmasına sevinən bu qara qəlbli insanlarla eyni fikirdədir.
Son şərhlər