Azərbaycan Milli Elmlər Akademiyası Nəsimi adına Dilçilik İnstitutunda elmi işçisi Cahid İsmayıloğlu “Türk Dünyası
Vətəndaşlığı və Türk Dünyası Eğitimciler Birliği” təşkilatina üzv seçilib.
Bu barədə Diaspor.az-a C.İsmayıloğlu məlumat verib. Əməkdaşlıq çərçivəsində Türk dünyası vətəndaşlığı şüurunun yaradılması istiqamətində,Türk dünyasında təhsil, dil, mədəniyyət, ədəbiyyat, tarix, din, ənənəvi idman, ortaq dəyərlər və sənət mövzulu tədbirlərin, layihələrin birgə həyata keçirilməsi işində ortaqlıq qurulacaq. “Türk Dünyası Vətəndaşlığı və Türk Dünyası Eğitimciler Birliği” təşkilatı 2014-cü ilin avqust ayında Bişkek şəhərində yaradılmışdır. Türkiyə Cümhuriyyəti Qaziantep Universitetinin və Qığızıstandakı Türkiyə Manas Universitetinin birgə yaratdıqları təşkilat eyni soydan gələn, eyni mədəniyyətin daşıyıcıları olan, lakin fərqli ölkələrdə yaşayan türk alimlərinin və təhsil işçilərinin qüvvələrini birləşdirmək üçün yaradılmış qurumdur. Təşkilata Azərbaycandan səkkiz nəfər üzv seçilib. Bakı Dövlət Universitetindən prof. Ramiz Əsgər, Naxçıvan Dövlət Universitetindən Əbülfəz Əzimli, digər beş nəfər isə – Folklor İnstitutunun “Xarici əlaqələr bölməsinin müdürü Əli Şamil Hüseyinoğlu, Nizami adına Ədəbiyyat İnstitutunun əməkdaşı prof. Almaz Ülvi Binnətova, Lalə Həsənova həmçinin AMEA-nın digər institutlarından Toğrul Xəlilov, Lütviyyə Əsgərzadə də seçiliblər.
Son şərhlər