Dünyanın diqqət mərkəzində olan İstanbula xarici ölkələrdən hər gün 3-4 milyon insan gəlir və ya geri qayıdır.Biz də 
Azərbaycan vətəndaşları kimi,son 2gündə İstanbulda olduq,maraqlı görüşlər keçirdik.
“Türkiye Anadolu Aydınlar Ocağı”nın Genel Başkanı, Kadıköy şəhərindəki Xəstəxanalardan birində mühüm vəzifədə çalışan Prof.Dr.İbrahim Özteklə görüşdük.İbrahim Öztek, həm də Azərbaycan sevdalısıdır. Mən, Şəhid Milli Qəhrəmanımız Səfiyar Behbudovun şərəfli ömür yolu barədə yazılan kitabı və Azərbaycan hərbi tibbi səhiyyəsinin formalaşmasında müstəsna xidmətləri olan Prof.Rahim Hüseynov barədə yazdığım “Onu eldən soruşun” kitabını çox hörmətli İhrahim müəllimə təqdim etdim. İbrahim doktor gəlişimizdən məmnun olaraq mənə, mənimlə birgə bu görüşdə olan Xocalı sakini Oqtay Abdullayevə və hazırda Bakıda olan, Türkiyə Anadolu Aydınlar Ocağının Azərbaycan Bürosunun rəhbəri, Qarabağ-QHT Koalisiyasının rəhbəri Vüqar Qədirova kitabları təqdim etdi.
Daha sonra “İstanbul Azerbaycan Kültur Evi”nin rəhbəri Azərbaycan əsilli Hikmet Elplə görüşdüm.”Onu eldən soruşun” kitabını Hikmət bəyə də təqdim etdim.
İstanbulda, Osmanbey metrosunun yaxınlığında yerləşən “AizA”otelinin sahibi Murat hocayla vidalaşdıq. Burda olduğumuz müddətdə o, dostu Ahmet Selcuk Erolla birgə qayğılarımızla maraqlandı, zəruri olan dəstəyi bizə göstərdi.Yeri gəlmişkən, İstanbula səfərə çıxan dostlarımıza, həmin Otelin xidmətlərindən istifadəni tövsiyyə edirəm.
Bizimlə Türkiyədə səfərdə olan nümayəndə heyətilə İstanbuldakı məşhur Taksim meydanını, habelə, gəmi ilə Kadıköyü ziyarət etdik. Bu ziyarətlərdə T.C.nin Adapazarı şəhərində yaşayan dostumuz, sabiq bank müdiri, tanınmış rəssam İlhan İşbaşı və Türkiyəli iş adamı Ahmet Selcuk Erol da vardı.
Axşam Türkiyə vaxtilə 20-55-də Sabiha Gögcen hava limanında “Azal”a məxsus avialaynerilə Azərbaycan paytaxtına yola düşdük.Bakıdayıq, bir həftədən artıq müddətdə yarımçıq qalmış problemlərin həllilə məşğuluq.
Şamil Sabiroğlu,
Azərbaycan Respublikası “Xocalı Soyqırımını Tanıtma” ictimai birliyinin sədri
Son şərhlər