Nizami rayonunda ölümlə nəticələnən yol qəzası baş verib
Bakıda bir nəfərin ölümü ilə nəticələnən yol qəzası baş verib.
Bakı şəhər Baş Polis İdarəsindən ANS PRESS-ə verilən məlumata görə, hadisə fevralın 15-də saat 23 radələrində, paytaxtın Nizami rayonunda Süleymanov küçəsində qeydə alınıb.
Cəlilabad rayon sakini, 1978-ci il təvəllüdlü Rəşad Məmmədovun idarə etdiyi “Mercedes” markalı və Bakı şəhər sakini, 1973-cü il təvəllüdlü Arzuman Həsənzadənin idarə etdiyi “VAZ-21099” markalı avtomobillər toqquşub.
Nəticədə “VAZ-21099” markalı avtomobilin sərnişinləri – 1935-ci il təvəllüdlü Tavat Kərimova və 1975-ci il təvəllüdlü Rübabə Mirzəliyeva xəstəxanaya yerləşdirilib. R.Mirzəliyeva ambulator yardım alaraq evə buraxılıb. T.Kərimova fevralın 16-da saat 10 radələrində xəstəxanada dünyasını dəyişib.
Faktla bağlı Nizami rayon Polis İdarəsində araşdırma aparılır.
ANS PRESS
