Milli Qəhrəman yad edildi

Bu gün “Yeni Yurd” Sosial-İnkişaf ictimai birliyi və “Xocalı Soyqırımını Tanıtma” ictimai birliyinin birgə təşkilatçılığı ilə Azərbaycanın Milli Qəhrəmanı, şəhid eloğlumuz Mübariz İbrahimovun doğum günü ilə bağlı onun xidmət etdiyi N saylı hərbi hissədə tədbir keçirib. Tədbirin aparıcsı Elşən Sabiroğlu ilk sözü Hərbi Hissənin zabiti polkovnik Həbib Məmmədova verdi. Cənab zabit tədbir iştrakçılarını salamlayaraq “Xocalı Soyqırımını Tanıtma ” ictimai birliyinin sədri Şamil Sabiroğlu, “Yeni Yurd” Sosial-İnkişaf ictimai birliyinin sədri Mahirə Əsədovaya, Azərbaycanın Milli Qəhrəmanı, şəhid soydaşımız Mübariz İbrahimovun doğum günü münasibəti ilə bu tədbiri təşkil etdikləri üçün onlara təşəkkürünü bildirdi. Sonra çıxış üçün söz “Xocalı Soyqırımını Tanıtma ” ictimai birliyinin sədri Şamil Sabiroğluya verdi. O, öz çıxışında qeyd etdi ki, bu gün doğum günü olan Azərbaycanın Milli Qəhrəmanı Mübariz İbrahimovun xidmət etdiyi hərbi hissədə belə bir tədbirin təşkil olunması qürurvericidir. Şamil Sabiroğlu vurğuladı ki, Mübariz İbrahimovun göstərdiyi qəhrəmanlıq nümunəsinin Azərbaycan ordusundakı vətəpərvərliyin yüksək səviyyədə olduğunun göstəricisidir.
Daha sonra çıxış edən tədbirin əsas təşkilatçılarından olan “Yeni Yurd” Sosial İnkişaf ictimai birliyinin sədri Mahirə Əsədova bu tədbirin keçirilməsinə yardımçı olan Hərbi hissə rəhbərliyinə təşəkkürünü bildirərək, Azərbaycanın Milli Qəhrəmanı Mübariz İbrahimovun doğum gününün qəhrəmənın özünün xidmət etdiyi Hərbi Hissədə qeyd etməyin tarixi hadisə olduğunu bildirdi. Mahirə xanım qeyd etdi ki, Mübariz İbrahimov vətəni Azərbaycan üçün şüurlu şəkildə əvəzsiz igidlik göstərərək gənclərimizə nümunə oldu.
Tədbirin davamında çıxış edən Asif(Fred)Məhərrəmov” adına İnkişaf Fondunun sədri Hacı Ədalət Məhərrəmov, “Qürur”Şəhid Ailələri xeyriyyə cəmiyyətinin sədri, şəhid Milli Qəhrəman Səfiyar Behbudovun bacısı Naibə xanım Behbudova, şairə Dilbər Sultan, “Ana Harayı” qəzetinin baş redaktorunun müavini Vaqif Nəcəfzadə “Qarabağ Qaziləri” ictimai birliyinin Şuşa filialının sədr müavini Namiq Cəfərov Azərbaycanın Milli Qəhrəmanı Mübariz İbrahimovun hər bir Azərbaycan gənci üçün nümunə olduğunu bildirdilər. Bu tədbirdə həmçinin Tər-tər rayon Mədəniyyət evinin və Uşaq Musiqi məktəbinin pedeqoji kollektivi iştrak edib.
Sonda Naftalanda yerləşən N saylı Hərbi Hissə komandiri polkovnik-leytinant İsgəndər Qiyasov və Hərbi Hissənin zabiti polkovnik Həbib Məmmədov , “Yeni Yurd” Sosial İnkişaf ictimai birliyinin sədri Mahirə Əsədova və “Xocalı Soyqırımını Tanıtma ” ictimai birliyinin sədri Şamil Sabiroğlu tərəfindən diplomla təltif olunub. Daha sonra əsgərlərə də diplom və qiymətli hədiyyələr təqdim olunub.