ABŞ-ın nüfuzlu hüquq müdafiə təşkilatı Freedom House “Dünyada Azadlıq -2015” adlı illik hesabatın yayıb. Hesabat 195 ölkəni əhatə edib. Hesabatda vurğulanıb ki, 2014-cü ildə azadlığın vəziyyəti dünyanın əksər bölgələrində pisləşib.
Hesabatda Azərbaycanın adı Venesuela ilə birlikdə çəkilib. Bildirilib ki, Azərbaycan və Venesuelada 2014-cü ildə siyasi məhbusların sayı artıb. Azərbaycan son illər “qeyri-azad” ölkələr sirasında yer alıb. İddialar onunla əsaslandırıb ki, Azərbaycanda hökümət tənqidçilərinin, insan haqları fəalları və jurnalistlərə qarşı represiyyalar gücləndirilib. Onların həbsə atıldığı qeyd olunub.
Münasibət: Təbii ki, hesabatda qeyd olunan dünyanın hər yerində vəziyyətin həqiqətən də pis olması ilə razıyıq. Getdkicə artan zorakılıq dünyanı cənginə alıb. Bununla bağlı düşünürük ki, insan haqlarının qorunmasını üzərinə götürən BMT təcili toplanmalıdır. Dünya liderlərindən hesabat istənilməlidir. Dünyanın ən qaynar nöqtələrində, müharibə ocaqlarında insan haqlarından söhbət belə gedə bilməz.
Hesabatda Azərbaycanla Venesualanın yanbayan qoyulması, Azərbaycanın “qeyri-azad” ölkələr sırasına daxil olması, Vətəndaş Hüquqlarının Müdafiəsi Təşkilatı olaraq bizi narahat etməyə bilməz. Azərbaycan hökümətindən tələbimiz odur ki, insan hüquq və azadlıqlarla bağlı üzərinə götürdüyü öhdəliklərə sadiq qalsın, insan hüquq və azadlıqlarının qorunmasını mükəmməl təmin etsin.
Azərbaycan rəsmilərini hesabatdan nəticə cıxarmağa çağırırıq. Unutmayaq ki, bu cür hesabatlarda ölkəmizin qeyri-demokratik ölkə adlandırılması beynəlxalq aləmdə Azərbaycanının imicinə zərbə vura bilər.
Son şərhlər