Bu gün İrəvanda minlərlə etirazçı prezident Serj Sərkisyanın iqamətgahına yürüş edib.
Virtualaz.org saytı erməni qaynaqlarına istinadən xəbər verir ki, kiçik və orta biznesin 3 mindən nümayəndəsi “Mal dövriyyəsində vergi” haqda fevralın 1-də qüvvəyə minən qanuna etiraz olaraq İrəvanın Baqramyan prospektini bağlayıb.
Baş nazir Ovik Abramyandan tələbələrinə cavab ola bilməyən etirazçılar Sərkisyanın iqamətgahı qarşısında yollanıblar. Onları böyük sayda polis qarşılayıb, toplaşanlar “ləğv et” şüarı səsləndirirlər.
Etirazçılar bundan hökumət binasının qarşısına toplaşaraq baş nazir Ovik Abramyanla görüş tələb etsələr də onlara bildirilib ki, baş nazir çox məşğuldur.
Bu cavab etirazçıları özündən çıxarıb. Sahibkarlardan biri deyib ki, onlar yarmarkalarda icarəyə götürdükləri dükanlara görə yer pulu ödəyirlər, bu günün də pulunu ödəyiblər. Buna baxmayaraq tələblərini çatdırmaq üçün hökumət binasının qarşısına gəliblər.
Digər etirazçı isə deyib ki, toplaşanlar qanunun qəbul edilməsinə etiraz olaraq ölkədən gedəcəklərini deməsinlər. Çünki onsuz da onları heç kim ölkədən buraxmayacaq.
Belə ki, ticarətçilərin əksəriyyətinin banklara kredit borcu var və borcu qaytarmadan ölkəni tərk etmək mümkün deyil. Həmin etirazçının bildirdiyinə görə, borcları ödəmək üçün onlar gərək mənzillərini satsınlar və Ermənistanı lüt tərk etsinlər.
Bildirilir ki, etirazlara bölgələrdən gələn sahibkarlar da qoşulub. Hakimiyyət buna mane olmaq üçün Gümrüdən İrəvana avtobus reyslərini dayandırıb. Ticarətçilər deyiblər ki, onlar İrəvana öz avtomobilləri ilə gəliblər, avtobus sürücülərindən biri isə kənar yolla Gümrü-İrəvan magistralına çıxmağa nail olub.
Ermənistanda sahibkarlara əlavə vergi yükü gətirən qanuna etiraz olaraq aksiyalar 4 ay əvvəl başlayıb. Ancaq hökumətin qanuna yenidən baxmaq vədindən sonra aksiyalar dayandırılmışdı. İndi isə etirazlar yenidən başlayıb.
Ekspertlərə görə, bu qanunun qüvvəyə minməsi Ermənistanda kiçik və orta biznesi məhv edəcək.
Virtualaz.org
