Matçda oyundan daha çox türkiyəli futbolçu Arda Turanın bir hərəkəti diqqət çəkib
İspaniya La Liqasında növbəti mərkəzi qarşılaşma baş tutub.
ANS PRESS-in məlumatına görə, “Barselona” – “Atletiko Madrid”i Nou Kamp-da qonaq edib. Matçda oyundan daha çox türkiyəli futbolçu Arda Turanın bir hərəkəti diqqət çəkib. Belə ki, futbolçu yan xətdən topu komanda yoldaşlarına ötürmək istəyib. Ancaq Pike onun qarşısını kəsərək futbolçuya maneə yaratmaq istəyib.
Arda Pikenin bir anlıq boşluğundan yararlanaraq topu onun ayaqları arasından Fernando Torresə ötürüb. Bu hərəkət İspaniyanın nüfuzlu idman qəzetlərində ilk səhifələrdə yer alıb. “Marka” qəzeti Ardaya təriflər yağdırıb və futbolçunun istedadına diqqət çəkib.
Qeyd edək ki, matç “Barselona”nın 3:1 hesablı qələbəsi ilə başa çatıb.
Bu nəticənin ardından “Barselona” xalını 41-ə qaldırıb. “Atletiko Madrid” isə zirvə yolunda ağır bir yara alaraq 38 xalda qalıb.
ANS PRESS
