İstanbula gələn Türkiyə milli futbol komandasının futbolçusu Arda Turan jurnalistlərə açıqlama verib.
Musavat.com-un məlumatına görə, Turan həm futbol, həm də şəxsi həyatından danışıb. Məşhur futbolçu oyunların haqqını aımadığını dilə gətirərək deyib: “Milli komandada oynadığımız oyunların haqqını almamışıq. İslandiya ilə oyunu çıxsaq digər matçlarımızı çox yaxşı oynadıq. Gələn oyunlarda da var gücümüzü ortaya qoyub Avropa Çempionatında iştirak etmək istəyirik”.
Arda Turan daha sonra qeyd edib ki, karyerasının sonuna qədər Türkiyəyə qayıtmağı düşünmür. Şəxsi həyatı ilə bağlı suallara cavab verən Turan deyib:
“Həyatımı planlaşdıraraq yaşamıram. Hər şeyin xeyirlisi olsun. Evlilik işləri planlamaqla olmur. Onsuz da mənimlə evlənməyə razı olan qadının ağlına şübhə etmək lazımdır”.
Son şərhlər