Türkiyənin Enerji və Təbii Sərvətlər naziri Taner Yıldız Akkuyuda inşa ediləcək nüvə stansiyasının qarşılığında Rusiyanın Türkiyədə hərbi baza 
quracağı ilə bağlı yayılan iddialara cavab verib.
Axar.az xəbər verir ki, nazir bu barədə müzakirələrin olmadığını bildirib: “Türkiyənin Rusiyaya hərbi səlahiyyət verməsi ilə bağlı hər hansı müzakirə aparılmayıb. Bu iddialar yalnız cənab Prezident Rəcəb Tayyib Ərdoğanı və Baş nazir Əhməd Davudoğlunu gözdən salmaq üçün yayılan xəbərlərdir”.
Cənub Axın layihəsi çərçivəsində Türkiyənin qarşısına fürsət çıxarsa, bundan yararlanacaqlarını deyən nazir Rusiya ilə yaxın qonşuluq siyasəti yürüdüldüyünü bildirib: “İki həftə öncə Vladimir Putin Cənub Axını layihəsinin təxirə salındığını elan etdi. Biz bunun tərəfdarı deyilik. Ona görə də Türkiyə əgər qarşısına bir fürsət çıxarsa, bundan faydalanacaq. Rusiya ilə Türkiyə qonşudur. Həm də strateji əməkdaşlığı inkişaf etdirən iki ölkədir”.
Son şərhlər