Noyabrın 20-də Rusiya Federasiyası Tatarıstan Respublikasının Kazan şəhərində Beynəlxalq Türk 
Mədəniyyəti Təşkilatı – TÜRKSOY-un Mədəniyyət Nazirlərinin Daimi Şurasının 32-ci dönəm toplantısı işə başlayıb.
Axar.az xəbər verir ki, toplantıda Mədəniyyət və Turizm nazirinin birinci müavini Vaqif Əliyevin rəhbərliyi ilə Azərbaycan nümayəndə heyəti iştirak edir.
Dünən TÜRKSOY təşkilatının 32-ci dönəm toplantısı və Kazan şəhərinin 2014-cü ildə türk dünyasının mədəniyyət paytaxtı olması münasibətilə ilə Kazanın Kreml Muzeyində sərgi təşkil edilib.
Tədbir çərçivəsində Azərbaycan Respublikası Mədəniyyət və Turizm nazirinin birinci müavini Vaqif Əliyevlə Rusiya Federasiyasının Tatarıstan Respublikasının sabiq prezidenti, hazırkı dövlət müşaviri Mintemir Şaripoviç Şeymiyev və Ermitaj Dövlət Muzeyinin direktoru Mixail Borisoviç Pyatrovski arasında görüş keçirilib. Görüşdə mədəniyyət sahəsində ortaq əməkdaşlıq əlaqələrinin inkişafına dair fikir mübadiləsi aparılib.
Son şərhlər