Braziliyada 20-yə yaxın veteran futbolçu millət vəkili və senator seçilib
Braziliyada keçirilən parlament seçkilərində çox sayda sabiq futbolçu vəzifəyə keçib.
ANS PRESS-in məlumatına görə, aralarında Bobo, Jardel və Bebeto kimi məşhur adların da olduğu 20-yə yaxın veteran futbolçu millət vəkili və senator seçilib.
Bir dövr Braziliya futboluna damğa vuran məşhur adlardan biri olan Romario de Souza namizəd olduğu Rio de Janeyroda 4,5 milyon səslə senator seçilib. Bir dövr “Qalatasaray”da oynayan və Avropada bombardir seçilən əfsanə oyunçu Mario Jardel isə məmləkəti Rio-Qrande do Sul əyalətindən millət vəkili seçilib.
Ölkədə futbola olan marağı nəzərə alan siyasətçilər ulduz futbolçuları vitrinə çıxararaq uğur qazanmağa çalışıblar.
Qeyd edək ki, Braziliyada ilk dəfə futboldan siyasətə keçid Pelenin adı ilə bağlıdır. Pele siyasi böhranların olduğu bir müddətdə milli birliyin və bərabərliyin simvolu olaraq dövlət idarəçiliyinə gətirilib.
Son şərhlər